دہلی میں 1984 کے متاثرین کو بجلی سبسیڈی

عام آدمی پارٹی کے رکن اسمبلی جرنیل سنگھ نے پیر کو کہا کہ دہلی حکومت 1984 میں ہوئے سکھ مخالف فسادات کے متاثرین کو بجلی سبسیڈی دے سکتی ہے۔

دہلی حکومت کے ایک اعلیٰ افسر نے بتایا کے سکھ مخالف فسادات میں متاثرین کو سبسیڈی مہیا کرانے کے لئے ریونیو محکمہ سروے کر چکا ہے۔

حالانکہ پہلے بھی یہ سبسیڈی کچھ مخصوص کالونیوں میں رہنے والے چند متاثرین کو دی گئی ہے لیکن اب یہ سبسیڈی تمام متاثرین کا دی جائیگی، جو 400 یونٹ یا اس سے کم بجلی کا استعمال کرتے ہیں۔

اطلاعات کے مطابق تمام متاثرین کو یہ سبسیڈی فراہم کی جائیگی۔