آہستہ آہستہ گرمی بڑھنے کا کئی ریاستوں میں انتخابی مہم پر اثر دیکھنے کو ملا جبکہ پہاڑی ریاستوں میں موسم اچھا ہونے کی وجہ سے انتخابی مہم میں زیادہ جوش نظر آیا۔ انتخابی مہم کے دوران کئی ریلیاں، روڈ شو اور عوامی اجلاس منعقد کئے گئے اور جھنڈے اور پوسٹر بھی لگائے گئے۔
امیدواروں نے گھر گھر جاکر رائے دہندگان کو لبھانے کی کوسش کی۔ یہ 17ویں لوک سبھا کے لیے ہورہے انتخابات کا سب سے بڑا مرحلہ ہے۔ 16 ریاستوں کی 117سیٹوں کے لئے ہونے والی پولنگ کے پیش نظر مختلف سیاسی جماعتوں کے رہنماؤں نے انتخابی مہم میں جم کر حصہ لیا۔
اوڈیشہ اسمبلی کی 147 سیٹوں میں سے 42پر تیسرے مرحلے میں متعلقہ لوک سبھا سیٹوں کے ساتھ ہی پولنگ کرائی جائے گی۔
تیسرے مرحلہ کے ساتھ ہی جنوبی بھارت میں الیکشن پوری طرح ختم ہوجائے گا۔
اس مرحلے میں لوک سبھا کی 117سیٹوں پر 1630سے زائد امیدوار میدان میں ہیں۔ کانگریس کے صدر راہل گاندھی کیرالہ کے وائناڈ سے اپنی قسمت آزما رہے ہیں۔
سماج وادی پارٹی کے سینیئر رہنما ملائم سنگھ یادو اور ان کے کنبہ کو سیاسی امتحان سے گزرنا ہے۔ اترپردیش کی جن 10لوک سبھاٹوں پر الیکشن ہونے ہیں، و ہاں اتحاد کے تحت نو سیٹوں پر ایس پی میدان میں ہیں جبکہ ایک سیٹ پر بہوجن سماج پارٹی الیکشن لڑرہی ہے۔ اس مرحلہ میں پوری طرح سے اکھیلیش یادو اور وزیراعظم نریندر مودی کے درمیان سیاسی لڑائی لڑی جارہی ہے۔
