حیدرآباد: مہاراشٹر کی 288 اسمبلی سیٹوں پر ریکارڈ 65 فیصد سے زیادہ ووٹنگ ہوئی ہے۔ اب انتخابی نتائج کا اعلان 23 نومبر کو کیا جائے گا۔ اس سے پہلے ایگزٹ پول اور سٹہ بازار کی پیشین گوئیاں سامنے آ چکی ہیں۔
مہاراشٹر میں زیادہ تر ایگزٹ پول کے اعداد و شمار نے بی جے پی کی قیادت والے مہایوتی اتحاد کی جیت کی پیش گوئی کی ہے۔ تاہم، کچھ ایگزٹ پول نے معلق اسمبلی کی طرف اشارہ کیا ہے یعنی ریاست میں کسی بھی پارٹی یا اتحاد کو واضح اکثریت حاصل نہیں ہوگی۔
میٹریس، پیپلز پلس، چانکیہ اسٹیرٹجیز اور ٹائمز ناؤ-جے وی سی جیسی پول ایجنسیوں نے پیش گوئی کی ہے کہ مہایوتی اتحاد کو اکثریت حاصل ہوگی، جس کا مطلب ہے کہ مہایوتی اقتدار میں رہ سکتی ہے۔ جبکہ پی مارک، لوک شاہی مراٹھی-رودر اور کچھ دیگر نے معلق اسمبلی کی پیش گوئی کی ہے۔ اس سے ظاہر ہوتا ہے کہ مہایوتی اور مہا وکاس اگھاڑی (ایم وی اے) کے درمیان سخت مقابلہ ہے۔
سٹہ بازار کی پیش گوئی:
اگر ہم سٹہ بازار کی بات کریں تو مہاراشٹر کے انتخابات میں مہایوتی اتحاد 145 کی اکثریت کو چھو سکتا ہے۔ فائنانشل ایکسپریس کی رپورٹ کے مطابق پھلودی ستہ بازار نے پیش قیاسی کی ہے کہ مہایوتی اتحاد کو 288 میں سے 144-152 سیٹیں ملیں گی۔
رپورٹ کے مطابق، ماجھی لاڈکی بہین یوجنا جیسی بڑی اسکیموں کی وجہ سے بی جے پی کے اتحاد، سی ایم ایکناتھ شندے کی شیو سینا اور نائب وزیر اعلیٰ اجیت پوار کی این سی پی کو انتخابات میں عوامی حمایت حاصل ہوئی۔ سٹہ بازار کے اندازوں کے مطابق مہاراشٹر میں صرف بی جے پی 90 سے 93 سیٹیں جیت سکتی ہے۔
پھلودی سٹہ بازار کی پیشین گوئی کے مطابق، بی جے پی کی قیادت میں این ڈی اے اتحاد کو جھارکھنڈ میں 44 سے 46 سیٹیں ملنے کا امکان ہے۔
مہاراشٹر میں، بی جے پی نے 149 سیٹوں پر، ایکناتھ شندے کی شیو سینا نے 81 سیٹوں پر اور اجیت پوار کی این سی پی نے 59 سیٹوں پر الیکشن لڑا ہے۔ مہا وکاس اگھاڑی (ایم وی اے) میں، کانگریس نے 101 سیٹوں پر، شیوسینا (یو بی ٹی) نے 95 سیٹوں پر اور این سی پی (شرد پوار) نے 86 سیٹوں پر امیدوار کھڑے کیے ہیں۔
پھلودی سٹہ بازار کیسے کام کرتا ہے؟
راجستھان میں واقع پھلودی سٹہ بازار مختلف قسم کے سٹے لگاتا ہے۔ پھلودی کے سٹہ بازار میں الیکشن پر بڑے بڑے دائو لگائے جاتے ہیں۔ میڈیا رپورٹس کے مطابق یہ مارکیٹ ہر روز صبح 11 بجے کے قریب کھلتی ہے اور ریٹ ہر روز ایک گھنٹہ پہلے طے کیے جاتے ہیں۔ بازار شام پانچ بجے تک کھلا رہتا ہے۔ اس دوران لوگ سٹہ لگاتے ہیں۔ پھلودی کے سٹہ بازار میں، لوگ جوتا اچھالتے ہیں اور اس بنیاد پر شرط لگاتے ہیں کہ جوتا سیدھا گرتا ہے یا الٹا۔
یہ بھی پڑھیں:
