شمالی24 پر گنہ کے بھاٹ پاڑہ میں گزشتہ روز پولیس آؤٹ پوسٹ(پھاڑی) کی افتتاحی تقریب سے قبل شرپسندوں کے درمیان بم بازی اور فوئرنگ میں تین افراد کی موت ہو گئی جبکہ 35 سے زائد افراد زخمی ہو گئے۔
بھاٹ پاڑہ اورا س کے اطراف چھا پہ ماری کے دوران پولیس نے لوگوں کو اکسانے اور فساد بر کرنے کی سازش کر نے کے الزام میں 14 افراد کو گرفتار کرلیا۔
مغر بی بنگال پولیس آر اے ایف اور کمبٹ فورسزبھاٹ پاڑہ اورا سکے اطراف میں گشت کر تی نظر آرہی ہے۔حساس علاقے پر پولیس کی گہری نظر ہے اورکسی بھی شخص کی حرکت مشکوک نظر آ تے ہی اسے گرفتار کرلیا جا رہا ہے۔
پولیس کاکہناہے کہ بھاٹ پاڑہ اور اس کے اطراف میں گزشتہ12 گھنٹوں سے تشدد کی کوئی اطلاع نہیں ہے۔حالات اب بھی کشیدہ ہونے کے باوجودسب سے کنٹرول میں ہے۔
