ذرائع کے مطابق ترقی پسند اتحاد کی صدر سونیا گاندھی کی صدارت میں لوک سبھا کے سنٹرل ہال میں پارلیمانی پارٹی کی میٹنگ ہوگی جس میں پارٹی کے نومنتخب اراکین پارلیمان اور راجیہ سبھا کے اراکین موجود ہوں گے۔
کانگریس کے صدر راہل گاندھی کے میٹنگ سے خطاب کرنے کی قیاس آرائی کی جارہی ہے۔ یہ بھی امید ظاہر کی جارہی ہے کہ وہ لوک سبھا میں پارٹی کے نئے لیڈرکا انتخاب کریں گے۔
لوک سبھا انتخابات کے نتائج کے بعد کانگریس پارلیمانی پارٹی کی یہ پہلی میٹنگ ہوگی۔
اس الیکشن میں بھارتیہ جنتا پارٹی نے 543 رکنی ایوان میں 303 سیٹیں حاصل کرکے تاریخی جیت درج کی جبکہ کانگریس نے صرف 52 سیٹیں جیتی ہیں۔
راہل گاندھی کے انتخابات میں پارٹی کی خراب کارکردگی پر صدر کے عہدہ سے استعفی کی پیشکش کے ایک ہفتہ بعد یہ میٹنگ ہوگی۔
