کورونا سے ہلاک ہونے والوں کے لواحقین کو 10-10 لاکھ معاوضہ دینے کا مطالبہ

مدھیہ پردیش کانگریس کے جنرل سکریٹری پربل پرتاپ سنگھ ماوئی نے ریاستی حکومت سے مطالبہ کیا کہ وہ عالمی وبا کی وجہ سے ہلاک ہونے والوں کے لواحقین کو دس دس لاکھ روپے معاوضہ فراہم کرے۔

ماوئی نے آج شوشل میڈیا پرایک ویڈیو جاری کرتے ہوئے کہا کہ حکومت جیسے سیلاب اور ژالہ باری سے متاثرہ لوگوں کو امدادی رقم دیتی ہے، اسی طرح کورونا وبا کے سبب مرنے والوں کے اہل خانہ کو بھی 10-10 لاکھ روپے معاوضہ دے۔

انہوں نے ریاستی حکومت پر الزام لگاتے ہوئے کہا کہ ریاست میں کورونا کے علاج کے لیے مناسب دوائیں اور دیگر سہولیات میسر نہیں ہیں، اس لیے متاثرین طبی سہولت کے فقدان کی وجہ سےاپنی جانیں گنوا رہے ہیں۔