بی جے پی وفد میں بی جے پی کے قومی جنرل سکریٹری کیلاش وجے ورگھیہ سمیت کئی اعلیٰ رہنماوں کی شرکت متوقع ہے۔اس کے علاوہ مغر بی بنگال بی جے پی کے رہنماوں بھی موجود رہیں گے۔
ذرائع کے مطابق کیلاش وجے روگھیہ کی قیادت میں بی جے پی کا وفد بیرکپور پولیس کمشنیریٹ منوج ورما سے ملاقات کرے گا اور عرضداشت پیش کی جائے گی۔
بی جے پی کے قومی جنرل سکریٹری اور بیرکپور پارلیمانی حلقے کے رکن پارلیمان ارجن سنگھ جگتدل تھانے کا گھیراؤکیاجائے گا اور بی جے پی کے کارکنان کے قتل میں ملوث شرپسندوں کی گرفتاری کا مطالبہ کیا جائے گا۔
بھاٹ پاڑہ اور اس کے اطراف میں بی جے پی کے وفد کا دورہ اور جگتدل تھانے کے گھیراؤکے مدنظر سیکورٹی انتظامات سخت کردیئے گئے ہیں۔ پولیس کاکہنا ہے کہ ہم کسی بھی طرح کے حالات سے نمٹنے کےلیے تیار ہیں۔
پولیس نے مزید کہاکہ بی جے پی کے جلوس اور تھانے گھیراؤسے نمٹنے کی پوری تیاری ہو چکی ہے۔
