گزشتہ روز وزیر اعلیٰ ممتا بنرجی کی نگرانی میں شمالی 24 پرگنہ کے نئی ہٹی میں واقع ترنمول کانگریس کے پارٹی دفتر سے بی جے پی کے قبضے کو ہٹایا گیا تھا۔
بی جے پی کے کارکنان نے ترنمول کے پارٹی دفتر کو بھگوا رنگ میں رنگ دیا تھا۔ممتا بنر جی نے اپنے ہاتھوں بھگوا رنگ مٹایا اور اس پر آل انڈیا ترنمول کانگریس لکھا تھا۔
گزرتے دور کے ساتھ مغر بی بنگال میں تیزی کے ساتھ سب کچھ بدل رہا ہے۔بنگال کے مختلف اضلاع ، پنچایت، بلاک میں ترنمول کانگریس کے پارٹی دفتر پر بی جے پی کے کارکنان نے قبضہ کرلئے ہیں۔
پارلیمانی انتخابات سے قبل دونوں پارٹیوں کے درمیان جھڑپوں کا جوسلسلہ شروع ہواتھا انتخابی نتائج کے بعد بھی جاری ہے۔ لیکن اس میں تھوڑی تبدیلی آ ئی گئی ہے۔
ایک طرف یہاں بھگوا جماعت بی جے پی حکمراں جماعت کے پارٹی دفتروں پر مسلسل قبضہ کر رہی ہے دوسری طرف اپنے پارٹی کے دفتروں پر ناجائز قبضہ ہٹانے کی جنگ لڑ رہی ہے۔
