بی ایڈ کورس کی نشستیں خالی نہ چھوڑنے پٹنہ کورٹ کی ہدایت

پٹنہ ہائی کورٹ نے نالندہ اوپن یونیورسٹی کو یہ یقین دہانی کرانے کی ہدایت دی ہے کہ رواں سال بی ایڈ کورس میں ایک بھی سیٹ خالی نہیں رہے گی۔

پٹنہ ہائی کورٹ نے نالندہ اوپن یونیورسٹی کو سخت ہدایت دیتے ہوئے ہوئے کہا کہ یونیورسٹی اس بات کو یقینی بنائے کہ رواں سال بی ایڈ کورس ٹی ایک بھی نشست خالی نہیں رہے گی بلکہ الاٹ کی گئی تمام سیٹوں کو پر کیا جائے۔
جسٹس مہیت کمار شاہ پر مشتمل سنگل بینچ نے اس معاملے میں سماعت کی۔

دراصل کامن انٹرنس ٹیسٹ کرانے کے لیے نالندہ اوپن یونیورسٹی کو نوڈل ایجنسی بنایا گیا ہے۔

ایسوسی ایشن آف ٹیچر ٹریننگ کالج کی جانب سے عرضی دائر کرکے شکایت کی تھی کہ نئے سیشن 2019-2020 میں سیٹوں کی تعداد میں کیے گئے اضافے کے سبب نشستیں خالی رہ جانے کا حدشہ ہے۔

سپریم کورٹ کی ہدایت کے مطابق یکم جولائی کے بعد طلبا کے داخلے کی مدت ختم ہو جائے گی۔

ہائی کورٹ نے متعلقہ عہدیداروں کو ہدایت دی کہ نشستیں خالی نہ رہنے کے سلسلہ میں مناسب اقدامات کریں۔