مغربی بنگال کے ضلع بیربھوم کے میوریشور تھانے علاقے میں بی جے پی کے جشن فتح جلوسمیں نامعلوم شرپسندوں نے بم سے حملہ کردیا۔اس واقعے سے علاقے میں افراتفری مچ گئی۔
پولیس کاکہنا ہے کہ بی جے پی کے جلوس میں بم پھینکا گیا ہے، جس کی تفتیش جاری ہے ۔ اب تک یہ پتہ نہیں چل سکاہے کہ بم باہری لوگوں نے پھینکا ہے یاجلوس میں شامل لوگوں نے اس واردات کو انجام دیا ہے۔کسی کی گرفتاری عمل میں نہیں آ ئی ہے۔
بی جے پی کے رہنما کا کہناہے کہ ترنمول کانگریس کے حامیوں نے بی جے پی کے جلوس میں حملہ کیا ہے۔انہوں نے ترنمول کانگریس کے چند حامیوں کے خلاف شکایت درج کرائی ہے۔
ترنمول کانگریس کے رہنمانے بی جے پی کے الزام کو بے بنیاد قراردیتے ہوئے کہاکہ بی جے پی نے اپنے ہی لوگوں کے ذریعہ جلوس پر بم پھینکا ہے۔بی جے پی علاقے کا ماحول خراب کرنے کی سازش کررہی ہے۔
