جگتدل تھانہ کے تحت بھاٹ پاڑہ علاقے میں نامعلوم شرپسندوں نے بی جے پی کے ایک حامی گول مار کر موت کے گھاٹ اتار دیاہے۔ بی جے پی کے حامی کے قتل کا واقعہ رونما ہونے کے بعد علاقے میں کشیدگی پا ئی جا رہی ہے۔
پولیس کاکہا ہے کہ چندن شاونام کے ایک شخص کوگولی ماردی گئی ہے ۔اسے زخمی حالت میں گول گھر اسپتال میں داخل کرایا گیا جہاں ڈاکٹروں نے ان کی موت کی تصدیق کی۔
پولیس نے مزیدبتا یاکہ کیس کی تفتیش جا ری ہے۔ اب تک اس کیس میں کسی گرفتاری عمل میں نہیں آ ئی ہے۔
واضح رہے کہ بھاٹ پاڑہ میونسپلٹی کے 35 نمبروارڈ میں ترنمول کانگریس اور بی جے پی کے حامیوں کے درمیان پارٹی آفیس پر قبضے کو لے کر جھڑپیں ہو رہیں تھیں۔
بی جے پی کے رہنما نے چندن شاو کے قتل کے پیچھے ترنمول کانگریس کا ہاتھ بتایا۔ترنمول کانگریس نے بی جے پی کے الزام کو بے بنیاد قراردیا ہے۔
