'ممتا بنرجی کاعمران خان سے موازنہ'

انٹرنیشنل یوگا ڈے کا بائیکاٹ کرنے پربی جے پی کے قومی جنرل سکریٹری کیلاش وجے ورگیہ نے مغربی بنگال کی وزیراعلیٰ کا پاکستان کے وزیراعظم سے موازنہ کیا اور کہا کہ دونوں ہراچھی چیز کی مخالفت کرنے میں ماہر ہیں۔

انہوں نے کہاکہ جب ساری دنیا یوگا ڈے منا رہی تھی اس وقت ممتا بنرجی اور عمران خان دونوں اس کی مخالفت کر رہے تھے۔ اس سے ثابت ہوا کہ دونوں کا ذہن ایک جیسا ہے۔

بھارتیہ جنتاپارٹی کے رہنما کے مطابق ممتا دیدی کے بارے میں تو پتہ ہے کہ وہ ہر اچھی چیز کی مخالفت کر تی ہیں۔ ان کی اسی عادت کی وجہ سے مغربی بنگال کے لوگ اب ان کی مخالفت کرنے لگے ہیں۔

کیلاش وجے ورگیہ کے مطابق پاکستان کے وزیراعظم کے بارے میں کچھ کہا بھی نہیں جا سکتا ہے۔ وہ ایک اسپورٹس مین ہونے کے باوجود انہیں یوگا سے نفرت ہے۔