پاکستان: بلگیٹس نے پولیو کے خاتمے کا مطالبہ کیا

مائیکروسافٹ کے بانی اور بل اینڈ ملینڈا فاؤنڈیشن کے سربراہ بل گیٹس نے پاکستان اور افغانستان پر پولیو کے مکمل خاتمے پر زوردیا ہے۔

ایک انٹرویو میں بلگیٹس نے کہا کہ عالمی پروگرام کے تحت پاکستان میں بہتری آئی ہے اور وزیراعظم عمران خان کے ساتھ اچھے تعلقات ہیں، جنہوں نے پولیو کے خلاف جنگ کو ترجیح دی ہے۔

انہوں نے کہا کہ صرف افغانستان میں ہی مسائل ہیں جہاں تنازعات اور اقتدار کی لڑائی میں طالبان کی کوئی پالیسی نہ ہونے کی وجہ سے مشکلات کا سامنا ہے۔

خیال رہے کہ دنیا میں محض تین ملکوں پاکستان، افغانستان اور نائیجیریا میں پولیو وائرس اب بھی موجود ہے۔