بلاول بھٹو نے بدھ کو نیشنل اسمبلی کے احاطے میں صحافیوں سے بات چیت کے دوران کہا کہ اچانک اسٹیٹ بینک کے گورنر، فیڈرل بورڈ آف ریونیو کے چیئرمین اور وزیر خزانہ کو بدل دیا گیا، کیا یہ فیصلہ کہیں اور لیا گیا۔
انہوں نے کہا کہ جو شخص کل تک آئی ایم ایف سے مشاہرہ لے رہا تھا اب ہمارے مرکزی بینک کا گورنر بن گیا۔
بھٹو نے کہاکہ وفاقی حکومت کی اہلیت کی وجہ سے ہماری صوبائی حکومتیں دیوالیہ کے کنارے کھڑی ہیں۔ سازش کے تحت سبھی اداروں کے مزدور یونین کو کمزور کیا گیا۔ تجاوزات کے نام پر گھروں کو گرانے کی مہم چلی اور حکومت ابھی تک ایسے سنجیدہ مسائل پر خاموش ہے۔ انہوں نے کہا کہ پریشانی کے اس دور میں حکومت نے غریبوں کو ان کے حالات پر چھوڑ دیا۔
