اے ایم یو: متوفی ملازمین کے واجبات کے فوری ادائیگی کا حکم

علی گڑھ مسلم یونیورسٹی (اے ایم یو) نے حالیہ دنوں میں ہلاک ہونے والے اپنے تدریسی و غیر تدریسی ملازمین کے واجبات و فوائد کی ادائیگی ان کے اہل خانہ کو جلد از جلد کیے جانے کی کارروائی تیز کر دی ہے۔

اے ایم یو رجسٹرار عبدالحمید (آئی پی ایس) کی جانب سے جاری نوٹس کے مطابق اے یم یو ملازمین کے حالیہ دنوں میں فوت ہونے والوں کے واجبات و فوائد کی ادائیگی ان کے اہل خانہ کو جلد از جلد کیے جانے کی کارروائی تیز کردی ہے۔

رجسٹرار نے اس نوٹس میں اے ایم یو کے سبھی شعبوں و دفاتر کے سربراہوں سے کہا ہے کہ ہلاک ہونے والے ملازمین کے نام، عہدے اور دیگر تفصیلات مع دستاویزات، پینشن و سروس بک سیکشن جلد ازجلد فراہم کریں تاکہ آگے کی کاروائی فوری طور پر کی جا سکے۔

اے ایم یو : متوفی ملازمین کے واجبات کے فوری ادائیگی کا حکم

رجسٹر اور مالیت دفتر کے متعلقہ شعبوں سے بھی کہا گیا ہے کہ وہ متوفی ملازمین کی واجبات و فوائد کی ادائیگی کی کارروائی ترجیہی بنیاد پر انجام دیں۔یونیورسٹی انتظامیہ کے مطابق کورونا وبا کی دوسری لہر میں یونیورسٹی کے موجودہ 18 تدریسی ملازمین کی اموات ہوئی ہیں جس میں 3 افراد کی موت کورونا سے نہیں ہوئی ہے۔