نیشنل کانفرنس کے سینیئر رہنما محمد اکبر لون نے بارہمولہ پارلیمانی نشست جیت لی ہے۔
نیشنل کانفرنس کے صدر ڈاکٹر فاروق عبداللہ نے سری نگر پارلیمانی نشست جیت لی ہے۔
انہوں نے تقریباً 98 ہزار 145 ووٹ حاصل کئے جبکہ ان کے مدمقابل پی ڈی پی کے آغا سید محسن نے 34 ہزار 145 جبکہ پیپلز کانفرنس کے عرفان رضا انصاری نے 25 ہزار 499 ووٹ حاصل کئے۔
تاہم دیگر دس امیدواروں میں سے کوئی بھی امیدوار دو ہزار یا دو ہزار سے زیادہ ووٹ حاصل کرنے میں کامیاب نہیں ہوپایا ہے۔
بارہمولہ پارلیمانی نشست سے نیشنل کانفرنس کے اکبر لون نےجیت درج کر لی ہے۔
اکبر لون نے قریب 131333 ووٹ حاصل کیے، ان کے مدمقابل پیپلز کانفرنس کے راجا اعجاز نے 101378 ووٹ حاصل کیے، عوامی اتحاد کے سربراہ انجینیئر رشید نے 99591 ووٹ حاصل کیے۔
اننت ناگ پارلیمانی نشست سے نیشنل کانفرنس کے حسنین مسعودی نے جیت حاصل کی۔
حسنین مسعودی نے 39376 ووٹ حاصل کیے، کانگریس کے غلام احمد میر نے 31326 ووٹ حاصل کیے جبکہ پی ڈی پی کی صدر محبوبہ مفتی نے 29739 ووٹ حاصل کیے۔
ادھمپور پارلیمانی نشست سے بی جے پی کے جتندرا سنگھ نے جیت درج کی انہیں 701606 ووٹ حاصل کیے۔ان کے مدمقابل وکرم ادتیہ سنگھ کو 362312 ووٹ ملے۔
