اتحاد کی امید اب بھی برقرار

دارالحکومت دہلی میں عام آدمی پارٹی اور کانگریس کے مابین جاری کشیدگی کے باوجود 'آپ' کی کانگریس سے اب بھی امیدیں برقرار ہیں۔

دہلی میں عام آدمی پارٹی نے اپنے تین امیدواروں کے پرچہ نامزدگی داخل کرنے کی تاریخ کو مزید دو دن کے لیے آگے بڑھا دیا ہے۔

آتیشی، پنکج گپتا اور گوگن سنگھ کے پرچہ نامزدگی 20 اپریل کی بجائے 22 اپریل کو داخل کریں گے۔ اس کے علاوہ تین امیدوار اور پیر کو پرچہ نامزدگی داخل کریں گے۔جب کہ ایک امیدوار کا پرچہ داخل کردیا گیا ہے۔

آپ کے سینیئر رہنما گوپال رائے نے کہا کہ اتحاد پر کانگریس کو فیصلہ کرنے کے لیے وقت دیا ہے اسی لیے پرچہ نامزدگی داخل کرنے کی تاریخ تبدیل کردی گئی ہے۔

'آپ' نےہریانہ میں کانگریس کو اتحاد کے لیے 7،2،1 کا فارمولہ دیا ہے۔

مغربی دہلی پارلیمانی حلقے سےبلبیر سنگھ جاکھڑ نے اپنا پرچہ نامزدگی داخل کردیا ہے۔

واضح رہے کہ 12 مئی کو دہلی کی سات پارلیمانی سیٹ پر ووٹنگ ہونی ہےعام آدمی پارٹی نے اپنے سات امیدواروں کے ناموں کا اعلان کرچکی ہے۔