تاہم رائے گنج کے مختلف علاقوں میں پولنگ مراکز پر قبضہ کرنے اور ای وی ایم مشین کے خراب ہونے کی شکایات موصول ہوئی ہیں۔
رائے گنج سے سی پی ایم امیدوار محمد سلیم پر کچھ لوگوں نے حملہ کیا ہے جس کی وجہ سے لوگوں میں ناراضگی ہے۔
چوپڑا میں ہنگامہ آرائی کرنے والوں پر پولیس نے لاٹھی چارج بھی کیا۔
رائے گنج لوک سبھا حلقے میں واقع چھاپا علاقے میں بی جے پی نے بوتھ کو جام کرنے کا الزام عائد کیا ہے جب کہ ترنمول کانگریس نے اس کی تردید کی ہے۔
یہاں بی جے پی اور ترنمول کانگریس کے ورکرز کے درمیان جھڑپ بھی ہوئی ہے۔
الیکشن کمیشن نے اس معاملے پر رپورٹ طلب کی ہے۔ پولنگ کے دوران گڑبڑی پیدا کر نے کا الزام عائد کرتے ہوئے گاؤں والوں نے نیشنل ہائی وے 31کو جام کردیا تھا جس کی وجہ سے ٹریفک نظام متاثر ہوا مگر بعد میں پولیس نے ٹریفک کو بحال کر دیا۔
دارجلنگ کے مال بازار میں بی جے پی کے دفتر میں توڑ پھوڑ کی گئی ہے۔ کمیشن نے بتایا کہ کچھ بوتھز پر ہنگامہ آرائی کی شکایتیں موصول ہوئی ہیں، ہم نے رپورٹ طلب کرلی ہے۔
جلپائی گوڑی میں بھی کئی بوتھز پر ای وی ایم مشین کے خراب ہونے کی شکایت ملی ہے۔
