گیا: ریاست بہار کے ضلع گیا کی یہ روایت رہی ہے کہ یہاں گیارہ محرم کو شیعہ فرقے کی جانب سے دن میں زنجیری ماتمی جلوس نکالا جاتا ہے، جس میں نہ صرف گیا کے لوگ شامل ہوتے ہیں بلکہ ریاست و ملک کے مختلف حصوں سے بھی شیعہ حضرات آتے ہیں۔ ضلع سے نکلنے والے ماتمی جلوس کے تعلق سے کہا جاتا ہے کہ یہ بہار کا بڑا ماتمی جلوس ہوتا ہے اور شہدائے کربلا کی یاد میں نکلنے والے اس جلوس میں مذہب و مسلک سے بالا تر ہوکر مرد و خواتین کی کثیر تعداد شامل ہوتی ہے۔ مرثیہ اور نوحہ خوانی کی صدا سے گیا کی فضا ماتمی و سوگوار ہو جاتی ہے۔Zanjiri matam procession of Shia community in gaya
مزید پڑھیں:۔ Youm-e-Ashura in india: ملک کی متعدد ریاستوں میں شہداء کربلا کی یاد میں جلوس
اس موقع پر عزادار سید شامل رضوی نے کہا کہ نواسہ رسول حضرت امام حسین علیہ السلام کی شہادت کی یاد میں یکم محرم سے مجالس اور جلوس وغیرہ کا اہتمام ہوتا ہے۔ یہاں ملک کے دیگر حصوں سے بھی عزادار پہنچتے ہیں۔ جلوس میں ذو الجناح بھی شامل ہوتا ہے، جس کو دیکھنے کے لیے ضلع کے علاوہ دیگر اضلاع سے بھی عقیدت مند پہنچتے ہیں۔ اس موقع پر جلوس کو مختلف مقامات پر روک روک کر شعیہ عالم دین کی جانب سے تقاریر بھی ہوتی ہے۔ مقررین لوگوں کو کربلا کی یاد تازہ کراتے ہیں اور بتاتے ہیں کہ کربلا کی یاد دراصل پیغام انسایت کا فروغ ہے۔ کربلا کا واقعہ باطل کے سامنے، حق کے لئے سینہ سپر ہونے کی مثال ہے۔ امام حسین کی قربانی اسلام کی بقا کی ضامن ہے اور پوری انسانیت پر ایک عظیم احسان ہے واضح ہوکہ جلوس آج دیر شام کو کربلا پہنچ کر اختتام ہوگا۔
