وزیراعظم مودی نے ایل جے پی بانی کے بیٹے اور بہار کے جموئی سے رکن پارلیمان چراغ پاسوان کو دو صفحے پر مبنی خراج عقیدت پیغام لکھا ہے ۔ سابق مرکزی وزیر اور ایل جے پی بانی کی برسی پروگرام اتوار کو دار الحکومت پٹنہ کے شری کرشن پوری واقع رکن پارلیمان پاسوان کی رہائش گاہ پر منعقد کی گئی ہے ۔ رکن پارلیمان پاسوان نے وزیراعظم کے لکھے خط کو اپنے فیس بک پیج پر شیئر کیا۔
یہ بھی پڑھیں:پیرالمپک میں میڈل جیتے والوں سے وزیراعظم نے ملاقات کی
مودی نے اپنے خط میں لکھاہے کہ ” ملک کے عظیم سپوت بہار کافخر اور سماجی انصاف کی بلند آواز رہے آنجہانی رام ولاس پاسوان کو میں اپنا جذباتی خراج عقیدت پیش کرتا ہوں۔ یہ میرے لئے بہت ہی اہم دن ہے ۔ میں آج انہیں نہ صر ف اپنے قریبی دوست کے طور پر یاد کررہا ہوں بلکہ بھارتی سیاست میں ان کے چلے جانے سے جو خلا پیدا ہوا ہے اسے بھی محسوس کررہاہوں ۔ آزاد بھارت کی سیاسی تاریخ میں پاسوان جی کا ہمیشہ اپنا ایک الگ مقام رہا۔ وہ ایک بہت ہی عام درجے سے اٹھ کر اونچائی تک پہنچے ۔“
یواین آئی
