عالمی یوم ٹی بی کے موقع پر پروگرام کا انعقاد

عالمی یوم ٹی بی کے موقع پر آج گورنمنٹ نرسنگ کالج کولگام میں ایک تقریب منعقد ہوئی جس میں ضلع سے تعلق رکھنے والے محکمہ صحت کے افسران ، نرسنگ طلبا ، آشا ورکر اور سیول سوسائٹی سے وابستہ افراد نے شرکت کی۔

ضلع ٹی بی آفیسر ڈاکٹر سید فہیم عالم، میڈیکل سپرنٹنڈنٹ ڈاکٹر مظفر زرگر اور بی او ایم اوز نے ٹی بی اور اس سے متعلق احتیاطی تدابیر کے حوالے حاضرین کو معلومات فراہم کیں۔ طلبا اور حاضرین نے ٹی بی کی بیماری سے متعلق معلومات اور احتیاطی تدابیر کو اہم قرار دیا تاکہ بیماری میں مبتلا افراد کا بروقت علاج ممکن ہو۔

اس موقع پر ڈاکٹر فہیم نے بات کرتے ہوئے کہا کہ ٹی بی ڈے دراصل 24 مارچ کو منایا جاتا ہے لیکن اس دن کو مزید بہتر بنانے کے غرض سے ہم پہلے ہی معلوماتی پروگراموں کو عمل میں لاتے ہے تاکہ ہر کوئی یہ جان سکے کہ اس کا تدارک کیسے کریں۔