وزیر اعظم مودی نے ویڈیو کانفرنسنگ کے ذریعے سے ’ پردھان منتری غریب کلیان ان یوجنا‘ کے تحت مدھیہ پردیش میں ’ان اتسو‘ کے آغاز کے موقع پر دہلی سے خطاب کیا ۔
بھوپال میں منعقدہ مرکزی تقریب میں وزیر اعلی شیوراج سنگھ چوہان اور مختلف اضلاع کے متعلقہ انچارج وزراء موجود تھے۔
یہ بھی پڑھیں:مقامی ہینڈلوم کی مصنوعات کو فروغ دیں: مودی
ویڈیو کانفرنسنگ اور سوشل میڈیا کی مدد سے ریاست کے تمام اضلاع میں نشر ہونے والے اس پروگرام کے تحت ریاست کی 25 ہزار سے زائد راشن دوکانوں سے غریبوں میں اناج کی تقسیم کی مہم شروع کی گئی، جس کے تحت تقریبا ایک کروڑ 15 لاکھ افراد مستفید ہو رہے ہیں۔
