Won't Allow Common Civilization to End: بھارت میں مشترکہ تہذیب کو ختم ہونے نہیں دیں گے، اخترالواسع

بھارت میں تفریق اور تقسیم کی جو کوششیں ہو رہی ہیں ان میں امیر خسرو کا نام، کام اور کلام ہی ان کو ناکام بنا سکتا ہے۔ امیر خسرو بلاشبہ ہماری مشترکہ تہذیب کی سب سے شاندار اور جاندار علامت ہیں اور آج جو تفرقہ بازی ہو رہی ہے اس میں امیرخسرو جیسے لوگوں سے ہی روشنی لے کر ہم ظلمت پسندی کا مقابلہ کر سکتے ہیں۔ Will Not Allow Common Civilization to End

نئی دہلی: بھارت میں دو فرقوں کے درمیان دوریاں اور مشترکہ تہذیب کو جس طرح سے ختم کرنے کی کوشش کی جارہی ہے اسے کبھی پایۂ تکمیل نہیں ہونے دیں گے۔ ان خیالات کا اظہار جواہر لال نہرو یونیورسٹی کے سینٹر آف پرشین اینڈ سینٹرل ایشین اسٹڈیز میں خسرو فاؤنڈیشن کے اشتراک و تعاون سےمنعقد امیر خسرو اور ہماری مشترکہ تہذیب کے عنوان پر مذاکرہ میں پدم شری پروفیسر اخترالواسع نے کیا۔ خسرو فاؤنڈیشن کے چیئرمین اور جامعہ ملیہ اسلامیہ میں اسلامک اسٹڈیز کے پروفیسرپدم شری پروفیسر اخترالواسع نے صدارت کرتے ہوئے کہا کہ ہم نے یہ عہد کیا ہے کہ وہ ہندوستان جسے خدائے بزرگ و برتر نے خود حضرت آدمؑ کو جنت سے دنیا میں بھیجنے کے لیے منتخب کیا تھا اسے کسی قیمت پر جہنم نہیں بننے دیں گے۔ Will Not Allow Common Civilization to End

انہوں نے کہا کہ امیر خسرو ہمہ جہت شخصیت کے مالک تھے۔ وہ صوفی بھی تھے اور سپاہی بھی، وہ شاعر بھی تھے اور ماہر موسیقار بھی، وہ خانقاہ اور دربار دونوں سے کھلے عام وابستہ رہے، وہ ہندوستان جنت نشان کے پہلے قصیدہ خواں تھے اور آج جو تفریق اور تقسیم کی کوششیں ہو رہی ہیں ان میں امیر خسرو کا نام، کام اور کلام ہی ان کو ناکام بنا سکتا ہے۔ اپنے خیرمقدمی کلمات میں پروفیسر مظہر آصف نے انتہائی مرصع نثر میں جس میں ہندی کا رَس، فارسی کی شیرینی اور اردو کی لطافت گھلی ہوئی تھی، سب کا استقبال ہی نہیں کیا بلکہ مسحور کر دیا۔ ان کے بعد سینٹر کی ایک طالبہ چیتالی سنہا نے امیر خسرو کا ہندی کلام اپنی خوب صورت آواز میں پیش کیا۔