نائب صدر ایم وینکیا نائیڈو نے منی پور میں آسام رائفلز کے اہلکاروں پر حملے کی سخت مذمت کرتے ہوئے کہاکہ یہ ایک گھناؤنا فعل ہے۔
ہفتہ کو جاری ایک پیغام میں مسٹر نائیڈو نے متاثرین کے اہل خانہ کے تئیں اپنی تعزیت کا اظہار کیا۔
انہوں نے کہاکہ آج منی پور میں عسکریت پسندوں کے حملے میں ایک کمانڈنگ آفیسر اور ان کے خاندان کے دو افراد سمیت آسام رائفلز کے پانچ اہلکاروں کی موت افسوسناک ہے۔ انہوں نے کہاکہ ’’متاثرین کے اہل خانہ سے میری تعزیت۔ میں اس گھناؤنے فعل کی شدید مذمت کرتا ہوں۔"
واضح رہے کہ ریاست منی پور میں فوج کے ایک دستے پر آئی ای ڈی گھات لگا کر بیٹھے عسکریت پسندوں نے پر حملہ کیا۔ اس حملے میں آسام رائفلز کے سی او اور ان کے اہل خانہ سمیت کئی جوان ہلاک ہوئے ہیں۔ یہ حملہ منی پور کے چورا چند پور کے سنگھاٹ میں ہوا۔ عسکریت پسندوں نے آسام رائفلز کے کمانڈنگ آفیسر کے قافلے پر حملہ کیا۔
مزید پڑھیں:
- Manipur Attack: فوجی دستے پر حملے میں سی او سمیت کئی جوان ہلاک
- آندھراپردیش: انکاؤنٹر میں 6 ماؤنواز ہلاک
یواین آئی
