وڈودرا: ریاست گجرات کے ضلع وڈودرا کے ایس ایس جی اسپتال کے ایمرجنسی ڈیپارٹمنٹ کے باہر مبینہ شرپسند عناصر نے ایک مریض اور ان کے تین رشتہ داروں کو لاٹھی ڈنڈے سے پیٹ پیٹ کر شدید طور پر زخمی کردیا۔ متاثرہ کے اہل خانہ کا الزام ہے کہ آج ان کا دیور نماز پڑھ کر گھر واپس آ رہا تھا، اسی دوران ان کے پڑوسی نے اس پر حملہ کردیا، اس کے پیر پر گاڑی چڑھا دی اور اس کو بے رحمی سے پیٹا۔ اہل خانہ کا مزید یہ بھی کہنا ہے کہ جب میرے دیور کو زخمی حالت میں اسپتال میں داخل کرانے کے لئے لایا گیا تو پہلے ہی سے میرا پڑوسی اپنے والد کے ساتھ یہاں موجود تھا اور ان کے ہاتھوں میں لاٹھی و لوہے کی چھڑ تھی، انہوں نے میری دو دیور اور مامو پر حملہ کر دیا اور انہیں شدید طور پر زخمی کردیا۔ اس دوران متاثرہ افراد کی قمیص مکمل طور پر خون الودہ ہوگئی اور انہیں فورا اسپتال میں داخل کرایا گیا۔Bloody battle played In SSG Hospital
متاثرہ کے اہل خانہ کا یہ بھی الزام ہے کہ ان کا پڑوسی انجم عرف کانڑیا مسلسل ان کے گھر کی خواتین کو ہراساں کرتا تھا اور مختلف طریقے سے پریشان کرنے کی کوشش کرتا تھا اور کئی مرتبہ اس سلسلے میں پولیس سے شکایت کی گئی لیکن پولیس نے ابھی تک کوئی شکایت درج نہیں کی۔
مزید پڑھیں:۔ فریقین میں تصادم، نصف درجن سے زائد زخمی
پولیس نے موقع پر پہنچ کر معاملہ کی جانکاری حاصل کی تاہم ابھی تک یہ واضح نہیں ہوپایا کہ اس مار پیٹ کی وجہ کیا تھی، فی الحال پولیس نے مقدمہ درج کرلیا ہے اور تفتیش شروع کردی ہے۔
