نائب صدر نے انجینیئرنگ کالجوں میں علاقائی زبانوں میں سلیبس کا کیا خیرمقدم

نائب صدر ایم وینکیا نائیڈو نے انجینئرنگ کے نصاب کو علاقائی زبان میں بھی دستیاب کرانے جیسے عمل کا خیرمقدم کیا ہے۔

نائب صدر ایم وینکیا نائیڈو نے 8 ریاستوں کے 14 انجینیئرنگ کالجوں میں نئے تعلیمی سیشن سے کچھ چنندہ سلیبس کو علاقائی زبان میں بھی دستیاب کرانے کا خیر مقدم کیا ہے۔

مسٹر نائیڈو نے سنیچر کے روز یہاں جاری ایک پیغام میں کہا کہ یہ اطمینان کا موضوع ہے کہ نئی تعلیمی پالیسی کے مطابق ہی اے آئی سی ٹی ای نے بی۔ ٹیک پروگراموں کو ہندی، مراٹھی، تمل، تیلگو، کنڑ، گجرات، ملیالم، بنگلہ، آسمیا، پنجابی اور اڑیہ، ان 11 زبانوں میں پڑھانے کی منظوری فراہم کی ہے۔

نائب صدر نے امید ظاہر کی کہ دیگر انجینیئرنگ کالجز اور پیشہ ورانہ تعلیمی اداروں کا نصاب بھی علاقائی زبانوں میں دستیاب کرائیں گے۔

یو این آئی