ملک میں روہنگیا مہاجرین اور عسکریت پسندوں کو مالی تعاون فراہم کرانے اور جعلی پاسپورٹ تیار کرنے کے معاملے میں اے ٹی ایس کی ٹیم نے ملک کی پانچ ریاستوں میں چھاپہ ماری کی ہے۔ اطلاع موصول ہونے پر یوپی اے ٹی ایس کی ٹیم نے اترپردیش کے ضلع سنت کبیر نگر کے خلیل آباد سمیت بستی اور علی گڑھ میں چھاپہ ماری کی ہے۔
اترپردیش کے ضلع سنت کبیر نگر کے خلیل آباد میں تعینات جے ای عبدالمنان کو اے ٹی ایس ٹیم نے حراست میں لے کر پوچھ گچھ شروع کردیا ہے مزید ان کے ساتھ چار دیگر افراد کو بھی حراست میں لیا گیا ہے اور ان سے بھی پوچھ گچھ جاری ہے۔
مزید پڑھیں: اقوام متحدہ کے سیکریٹری جنرل کا پہلی بار اردو زبان میں پیغام جاری
فرضی پاسپورٹ اور عسکریت پسندوں کو مالی تعاون فراہم کرانے کے بابت اطلاع موصول ہونے پر اے ٹی ایس کی ٹیم نے ملک کی مختلف ریاستوں میں چھاپہ ماری کی۔ جن میں اترپردیش کے تین جگہوں پر چھاپہ ماری ہوئی، وہیں ممبئی اور حیدرآباد میں سے بھی چھاپہ ماری کی خبر موصول ہوئی ہے۔
