وزیر خارجہ ڈاکٹر ایس جے شنکر نے اتوار کی صبح کو بتایا کہ ''آپریشن گنگا'' کے تحت 240 بھارتی شہریوں کے ساتھ دہلی کے لیے تیسری پرواز ہنگری بڈاپسٹ سے روانہ ہوئی ہے۔ Flight with 240 Indian Nationals takes off from Hungary for Delhi
جے شنکر نے ٹویٹ کیا کہ "240 بھارتی شہریوں کے ساتھ ''آپریشن گنگا'' کی تیسری پرواز بوڈاپسٹ سے دہلی کے لیے روانہ ہوئی ہے۔" یوکرین-روس کے جاری بحران کے درمیان کیئو میں بھارتی سفارت خانے نے بھارتی شہریوں کو مشورہ دیا ہے کہ وہ سرحدی چوکیوں پر سرکاری عہدیداروں کے ساتھ پیشگی اطلاع کے بغیر کسی بھی سرحدی چوکی پر جانے سے گریز کریں۔
یوکرین سے اب تک کل 469 بھارتی شہریوں کو نکالا جا چکا ہے، جن میں سے 250 اتوار کی صبح دہلی اور 219 ہفتہ کی شام ممبئی پہنچے۔ ہفتہ کو بھارتی شہریوں کے لئے ایک ایڈوائزری میں سفارتخانے نے زور دیا کہ مختلف سرحدی چوکیوں پر صورتحال حساس ہے اور وہ اپنے شہریوں کے مربوط انخلاء کے لئے ہمسایہ ممالک میں سفارتخانوں کے ساتھ مسلسل کام کر رہا ہے۔
ایڈوائزری میں کہا گیا ہے کہ "یوکرین میں تمام بھارتی شہریوں کو مشورہ دیا جاتا ہے کہ وہ سرحدی چوکیوں پر حکومت ہند کے عہدیداروں اور بھارتی سفارت خانے کے ہنگامی نمبروں کے ساتھ پیشگی اطلاع کے بغیر کسی بھی سرحدی چوکی پر نہ جائیں۔"
مزید پڑھیں:۔ Evacuation of Indian from Ukraine: یوکرین سے انخلاء کی پہلی پرواز ممبئی کے ایئرپورٹ پر پہنچی
اس نے مزید کہا کہ "سفارتخانہ کو ان بھارتی شہریوں کو عبور کرنے میں مدد کرنا مشکل ہوتا جا رہا ہے جو پیشگی اطلاع کے بغیر سرحدی چوکیوں پر پہنچ جاتے ہیں۔"
سفارت خانے نے بھارتیوں کو یوکرین کے مغربی شہروں میں رہنے کا مشورہ دیا جہاں پانی، خوراک، رہائش اور بنیادی سہولیات کی رسائی آسانی سے فراہم ہے۔
