یوپی میں کورونا وبا تیزی سے پھیل رہی ہے۔ ایٹاوہ ضلع میں لائن سفاری میں گوری (8 سال 3 ماہ) اور جینیفر (9 سال) نام کی دو شیرنیوں کو کورونا مثبت پایا گیا ہے۔ گذشتہ 30 اپریل کو لائن سفاری انتظامیہ نے حرارت کے سبب بخار کے اندیشہ کے سبب ان کا ٹیسٹ لیا تھا، ان دونوں کا درجہ حرارت بالترتیب 104 اور 105 تھا۔ اس کے بعد ان دونوں شیرنیوں کے نمونے سنٹرل انڈین ویٹرنری ریسرچ انسٹیٹیوٹ، بریلی بھیجے گئے تھے۔
جمعہ کے روز ایٹاوہ لائن سفاری کے ڈائریکٹر کرشنا کمار سنگھ نے اس بات کی تصدیق کی کہ گوری اور جینیفر کورونا سے متاثر ہیں۔ انہوں نے بتایا کہ 6 مئی کو 5:30 سے شام 6 بجے کے درمیان بھارتی ویٹرنری ریسرچ بریلی، سنٹرل چڑیا گھر اتھارٹی نئی دہلی، وائلڈ لائف انسٹی ٹیوٹ آف انڈیا دہرادون اور ملک کے دیگر بائیو میڈیکل ماہرین کی ٹیم کے ساتھ ویڈیو کانفرنسنگ کی گئی۔ ڈائریکٹر کرشنا کمار سنگھ نے یہ بھی بتایا کہ دونوں شیروں کی تحقیقاتی رپورٹ مثبت آنے کے بعد انہیں الگ تھلگ کردیا گیا ہے۔ ماہرین کی مشاورت کے مطابق، ان دونوں کا علاج کیا جارہا ہے۔
