ٹویٹر نے حال ہی میں اپنے نیلے رنگ کی تصدیق کے عمل کو دوبارہ شروع کیا ہے اور اس کے ساتھ ہی اس نے پرانے ہینڈلز کو کراس چیک کرکے نیلے بیج کو ہٹانا شروع کردیا ہے۔ اس کے تحت نیلے رنگ کا بیج ایم وینکیا نائیڈو کے ٹویٹر ہینڈل پر نظر نہیں آرہا تھا۔
تاہم ٹوئٹر صارفین کی جانب سے ناراضگی کا اظہار کیے جانے پر ٹویٹر نے نائب صدر ایم وینکیا نائیڈو کے پرسنل ٹوئٹر ہینڈل پر دوبارہ بلیو ٹک کو بحال کردیا ہے۔
اس معاملے میں ٹویٹر نے کہا ہے کہ یہ اکاؤنٹ طویل عرصے سے لاگ ان نہ ہونے کی وجہ سے ہوا ہے۔ اکاؤنٹ چھ ماہ سے لاگ ان نہیں ہوا تھا لہٰذا نیلے رنگ کا ٹک ہٹادیا گیا تھا۔
وزارت اطلاعات و نشریات نے ٹویٹر کے اس اقدام پر برہمی کا اظہار کیا ہے۔ وزارت نے کہا ہے کہ اس پر ٹویٹر کے ساتھ سختی سے نمٹا جائے گا۔ اس سے پہلے بھی ٹویٹر اور مرکزی حکومت کے مابین تنازعہ کی صورتحال پیدا ہو چکی ہے۔
واضح رہے کہ بلیو ٹک کا بیج اس بات کا اشارہ کرتا ہے کہ اس شخص کا ٹویٹر اکاؤنٹ تصدیق شدہ ہے اور اس نیلے رنگ کے ٹک کا مقصد صارفین میں اعتماد پیدا کرنا ہے۔
