حیدرآباد: تلنگانہ کے وزیر انفارمیشن ٹکنالوجی کے تارک راماراو نے ٹریپل آئی ٹی باسر کے طلبہ کو یقین دہانی کروائی کہ وہ ان کے مسائل کو وزیر تعلیم سبیتا اندراریڈی کے علم میں لائیں گے۔ انہوں نے مزید کہا کہ حکومت، تعلیم کے معیار کو بہتر بنانے اور طلبہ کو درپیش مسائل کو حل کرنے کے لئے اقدامات کرے گی۔ Triple it baser issues to be resolved says telangana it minister
سوشیل میڈیا کے اہم پلیٹ فارم ٹوئیٹر پر سرگرم تارک راما راو نے ایک ٹوئیٹر صارف تیجاگوڑ کی جانب سے اس مسئلہ پر توجہ دلانے پر یہ ٹوئیٹ کیا۔ وزیر موصوف کے ٹوئیٹ کا جواب دیتے ہوئے وزیر تعلیم سبیتااندراریڈی نے کہا کہ طلبہ کے مسائل پر وائس چانسلر کے ساتھ اجلاس منعقد کیا گیا ہے اور طلبہ کے مسائل جتنا جلد ممکن ہوسکے حل کئے جائیں گے۔ واضح رہے کہ طلبہ، یونیورسٹی میں مخلوعہ عہدوں کو پُر کرنے کے لئے یونیورسٹی کی ایڈمنسٹریٹیو بلڈنگ کے سامنے احتجاج کررہے ہیں۔ ان طلبہ نے ان کے مسائل حل کرنے کامطالبہ کیا۔
مزید پڑھیں:۔ KTR Social Media: 'تلنگانہ کے بے روزگارنوجوان آئندہ چھ ماہ تک سوشل میڈیا سے دور رہیں'
یو این آئی
