بھارتی اسپرنٹر دوتی چند نے ایک بار پھر ٹوکیو اولمپکس کے ٹریک پر مایوس کیا ہے۔ وہ خواتین کی 200 میٹر دوڑ کے سیمی فائنل میں اپنی جگہ نہیں بناسکیں۔
تاہم ہیٹ میں دوڑتے ہوئے دوتی چند نے سیزن کا اپنا بہتر وقت نکالا۔ اس کے باوجود وہ سیمی فائنل میں جگہ بنانے سے محروم رہیں۔ دوتی چند نے ہیٹ نمبر چار میں اپنی دوڑ مکمل کی، جس میں وہ آخری نمبر پر رہیں۔ بھارتی اسپرنٹر نے اپنی 200 میٹر ریس 23.85 سیکنڈ میں مکمل کی۔
اس سے قبل دوتی چند خواتین کی 100 میٹر دوڑ کے سیمی فائنل میں بھی جگہ نہیں بنا پائی تھیں۔ وہاں وہ 8 رنرز میں 7ویں نمبر پر تھی۔ پھر ہیٹ 5 میں دوڑتے ہوئے بھارت کے دوتی چند نے 100 میٹر کی دوڑ 11.54 سیکنڈ میں مکمل کی۔ جب کہ ان کا پرسنل بیسٹ 11.17 سیکنڈ تھا۔
یہ بھی پڑھیں: Tokyo Olympics: آج گیارھواں دن: ان بھارتی کھلاڑیوں سے تمغوں کی امید
دوتی چند کی ہیٹ میں نامبیبیا کی کرسٹن مبوا نے نمبر ایک پر کھڑے ہوکر نیا قومی ریکارڈ قائم کیا۔ اس نے 200 میٹر کی دوڑ 22.11 سیکنڈ میں مکمل کی۔ انہیں امریکہ کی گیبریل تھامس نے پوری ٹکر دی، لیکن وہ 22.20 سیکنڈ کا وقت نکال کر ہیٹ میں دوسرے نمبر پر رہیں۔
اس کے علاوہ، تیسری پوزیشن نائجیریا کی اسپرنٹر نے حاصل کی، جس نے 22.72 سیکنڈ کا وقت لیا۔ ہر ہیٹ سے ٹاپ 3 رنرز کو سیمی فائنل کے لیے منتخب کیا جانا ہے۔
اس کے علاوہ سبھی ہیٹ میں تیز ترین دوڑنے والوں کو بھی سیمی فائنل کے ٹکٹ ملیں گے۔ لیکن بھارت کی دوتی چند نے جو وقت لیا وہ انہیں پھر بھی سیمی فائنل میں نہیں پہنچا سکتا۔
