نیشنل ہیرالڈ معاملے میں راہل گاندھی 11 بجے انفورسمنٹ ڈائریکٹوریٹ کے ہیڈکوارٹر پہنچے۔ کانگریس ہیڈکوارٹر سے ای ڈی آفس تک مارچ پر پابندی کے بعد بھی کانگریس کارکنان 24 اکبر روڈ پر واقع کانگریس ہیڈکوارٹر پہنچے۔ پولیس ان کارکنان کو بھی حراست میں لے کر مختلف مقامات پر لے جا رہی ہے۔Cong workers Detained Ahead of Rahul’s Appearance Before ED
اتوار کی شام سے ہی نئی دہلی کی ڈی سی پی امرتا گگلوتھ نے اس ریلی پر پابندی لگا دی تھی۔ انہوں نے کہا تھا کہ یہاں ایسی ریلی کی اجازت نہیں دی جا سکتی۔ امن و امان کا حوالہ دیتے ہوئے کل دیر شام یہ حکم جاری کیا گیا۔ پولیس نے اب تک درجنوں کانگریس کارکنوں کو حراست میں لیا ہے۔
مزید پڑھیں:National Herald Case: ای ڈی کی جانب سے راہل گاندھی کو ایک اور سمن جاری کیا گیا
دہلی میں آج دوپہر تک بھاری ٹریفک جام رہنے کا امکان ہے۔ دہلی ٹریفک پولیس نے اس سلسلے میں ایک ایڈوائزری بھی جاری کی ہے۔ کچھ سڑکیں بھی بند کر دی گئی ہیں۔ ٹریفک پولیس کے مطابق نئی دہلی میں گول ڈاک خانہ جنکشن سے پٹیل چوک، ونڈسر پلیس، تین مورتی چوک اور پرتھوی راج روڈ تک بسوں کی آمدورفت صبح 7 بجے سے دوپہر 12 بجے تک بند رہے گی۔ پولس نے لوگوں سے اپیل کی ہے کہ وہ صبح 7 بجے سے دوپہر 12 بجے تک موتی لال نہرو مارگ، اکبر روڈ، جن پتھ اور مان سنگھ روڈ پر نہ جائیں۔ یہاں ٹریفک پولیس کے خصوصی انتظامات ہوں گے۔ جس کی وجہ سے لوگوں کو ٹریفک جام کا سامنا کرنا پڑ سکتا ہے۔
