پیٹرول اور ڈیزل کی قیمتوں میں کوئی تبدیلی نہیں

بین الاقوامی مارکٹ میں خام تیل کی قیمتوں میں کمی کے باوجود پیٹرول اور ڈیزل کی قیمتوں میں کمی نہیں کی گئی ہے۔

بین الاقوامی مارکٹ میں گذشتہ روز خام تیل کی قیمتوں میں زبردست گراوٹ کے باوجود آج مسلسل ساتویں روز بھی گھریلو پیٹرول اور ڈیزل کی قیمتوں میں کوئی کمی نہیں کی گئی ہے۔

گذشتہ منگل کو دہلی میں پیٹرول کی قیمت میں 22 پیسے فی لیٹر کمی کے ساتھ 90.56 روپے فی لیٹر اور ڈیزل 23 پیسے کمی سے 80.87 روپے فی لیٹر پہنچ گیا تھا۔

واضح رہے کہ جان لیوا اور مہلک ترین عالمی وبا کورونا وائرس کے سبب گذشتہ روز بین الاقوامی منڈی میں خام تیل کی قیمتوں میں زبردست گراوٹ آئی تھی۔

متعدد ممالک میں اس کی مانگ متاثر ہوئی اور اسی درمیان لندن برینٹ کروڈ 62 ڈالر فی بیرل سے نیچے پہنچ گیا۔

ملک کے چاروں میٹرو میں پیٹرول اور ڈیزل کی قیمتیں اس طرح ہیں۔

شہر کا نام پیٹرول ڈیزل

دہلی میں پیٹرول 90.56 اور ڈیزل 80.87 لیٹر

ممبئی میں پیٹرول 96.98 اور ڈیزل 87.96 لیٹر

چنئی میں پیٹرول 92.58 اور ڈیزل 85.88 لیٹر

کولکاتا میں پیٹرول 90.77 اور ڈیزل 83.75 لیٹر