نئی دہلی: چلچلاتی گرمی سے اس وقت راحت ملنے کی کوئی امید نہیں ہے اور اتوار کو پارہ 45 ڈگری سیلسیس کو چھونے کا امکان ہے۔ محکمہ موسمیات کا کہنا ہے کہ اتوار کو زیادہ سے زیادہ درجۂ حرارت 45 ڈگری سیلسیس تک پہنچ سکتا ہے۔ تاہم محکمہ نے پیر کو 'دھول کے طوفان یا گرج چمک کے ساتھ طوفان' کی پیش گوئی کی ہے اور زیادہ سے زیادہ درجۂ حرارت 41 ڈگری کے آس پاس رہے گا۔ The temperature in Delhi is 45 degrees Celsius
شدید گرمی کی لہر کے حالات کے پیش نظر اتوار کو دارالحکومت میں 'یلو' الرٹ جاری کیا گیا ہے۔ موسم گرما میں دہلی میں گرم ہواؤں اور ہیٹ ویو کا یہ پانچواں دور ہے۔ اس سے پہلے ایک راؤنڈ مارچ میں اور تین اپریل میں آیا تھا۔ محکمہ موسمیات نے کہا کہ 14 اور 15 مئی کو پنجاب اور ہریانہ-دہلی میں مختلف علاقوں میں گرمی کی لہر کی وجہ سے شدید ہیٹ ویو کے حالات متوقع ہیں، آج بھی اتر پردیش کے مختلف حصوں میں ایسی ہی صورتحال رہے گی۔
