تیلگودیشم کے صدر چندرابابو نائڈو Telugu Desam President Chandrababu Naidu نے آندھراپردیش کے ضلع چتور کے منڈل کپم Kuppam Mandal کا دورہ کیا۔
اس موقع پر انھوں نے وزیراعلی وائی ایس جگن موہن ریڈی کا نام لیے بغیر کہا کہ ریاست کو ایک آدمی کی وجہ نقصان اٹھانا پڑرہا ہے۔ انھوں نے کہا کہ حکمراں جماعت وائی ایس آر کانگریس سیاست کے علاوہ کوئی فلاحی کام نہیں کررہی ہے۔
انھوں نے کہا کہ عوام نے انھیں اقتدار سونپا مگر انھوں نے صرف تیلگو دیشم رہنماوں پر حملوں Attacks on Telugu Desam Leaders کے علاوہ کوئی کام نہیں کیا۔
انھوں نے حکمراں جماعت کی نکتہ چینی کا جواب دیتے ہوئے کہا کہ تیلگو دیشم ریاست میں کسی پارٹی کے ساتھ اتحاد کے بغیر بھی جیتی ہے اور اقتدار میں آئی ہے، ہم دوبارہ بھی جیتیں گے اور اقتدار حاصل کریں گے۔
اس موقع پر چندرا بابو نائیڈو نے دعوی کیا کہ وہ دوبارہ ریاست کے وزیراعلی بنیں گے اور ریاست کی عوام تیلگو دیشم کو اقتدار میں لائے گی۔
