ماہ رمضان کا دوسرا عشرہ مغفرت کا ہے: مفتی دانش قادری

رمضان کا مہینہ چل رہا ہے۔ رمضان کے مہینے میں تین عشرے ہوتے ہیں۔ پہلا عشرہ رحمت کا، دوسرا عشرہ مغفرت کا اور تیسرا عشرہ جہنم سے نجات کا۔ ماہ رمضان کا پہلا عشرہ گزر چکا ہے اور اب دوسرا عشرہ (جو مغفرت کا ہے) جاری ہے۔

ماہ رمضان کے دوسرے عشرے کی فضیلت پر ای ٹی وی بھارت سے بات کرتے ہوئے مفتی دانش قادری نے بتایا کہ ماہ رمضان کے تین عشرے ہوتے ہیں۔ پہلا رحمت کا، دوسرا مغفرت کا اور تیسرا جہنم سے آزادی کا۔

مفتی دانش قادری نے ماہ رمضان کے دوسرے عشرے پر بیان کرتے ہوئے کہا کہ مغفرت کے عشرے میں لوگ اپنی مغفرت کی دعائیں کرتے ہیں اور اللہ سے توبہ کرتے ہیں۔

انہوں نے کہا کہ دس روزے گزر جانے کے بعد ایک عشرہ مکمل ہو جاتا ہے۔ ماہ رمضان کے اس مقدس مہینے میں لوگ اللہ سے اپنی اور اپنے اہل خانہ و دیگر کے لئے مغفرت کی دعا مانگتے ہیں۔

مفتی دانش قادری نے رمضان کی فضیلت بیان کرتے ہوئے کہا کہ بھوکا اور پیاسا رہنا روزہ نہیں ہے بلکہ برے کاموں سے بچنا، اللہ کی عبادت کرنا، نماز پڑھنا، انسانیت کا پیغام دینا اور صبر کرنا بھی روزہ کا حصہ ہے۔