ٹریفک او آبی جماؤ سے پریشان عوام کے لیے ایک نئی امید

ہردوئی کی عوام برسوں سے دو ایسے بڑی مشکلات کا سامناکر رہی ہے جس کا اب تک ازالہ نہیں ہو سکا ہے۔ایک تو بارش کے بعد روڈ اور گلیوں کا پانی سے بھر جانا اور دوسرا ٹریفک کا نظام، لیکن اب یہاں کی عوام پر امید ہے کہ جلد از جلد انہیں اس مشکلات سے نجات ملے گی۔

ریاست اتر پردیش کے ضلع ہردوئی میں درجنوں مرتبہ منسٹر سے لے کر ڈسٹرکٹ کلکٹر تک بارش کے سبب پانی جماؤ اور ٹریفک نظام کو درست کرانے کی کوشش کرچکے ہیں۔

پلاننگ کے تحت بھی تیاریاں کی گئیں لیکن جب تک اسے عملی جامہ پہنایا جاتا تب تک سب کچھ فلاپ ہوجاتا ہے۔ لیکن اس مرتبہ ایڈمنسٹریشن نے پوری تیاری کے ساتھ ٹریفک نظام کو بہتر بنانے کا مسودہ تیار کر لیا ہے۔ امید کی جارہی ہے کہ جلد ہی شہر کے لوگوں کو ٹریفک کی مصیبت سے نجات ملے گی۔

آپ کو بتا دوں کہ' ضلع ہردوئی میں ٹریفک نطام اتنا بدتر ہے کہ کسی شخص کو اگر دو کلو میٹر کا سفر کرنا ہو تو اسے آدھے گھنٹے انتظار کرنا پڑتا ہے۔ اس میں بہتری کے لیے ڈسٹرکٹ مجسٹریٹ کے آرڈر پر ایک مسودہ تیار کیا گیا ہے۔

ڈی ایم نے ابھی اسے عوام کے سامنے پیش نہیں کیا ہے لیکن اس منصوبے سے عوام کو خاصی امیدیں ہیں۔