Taj Mahal Open in Night شرد پورنیما کی راتوں میں تاج محل کھلا رہے گا

رواں برس شرد پورنیما کی چار راتوں میں تاج محل کھلا رہے گا۔ رات کے دوران تاج محل میں صرف 400 لوگوں کو داخل ہونے سہولت میسر ہوگی۔ رات میں تاج محل کے کھلے رہنے کا وقت رات 8.30 بجے سے 12.30 بجے تک رہے گا۔ Taj Mahal To Open In Night

آگرہ: ریاست اتر پردیش کے شہر آگرہ میں واقع تاج محل اس بار شرد پورنیما کے دوران چاند کے دیدار کے لئے چار راتوں تک کھلا رہے گا۔ سپرنٹنڈنگ ماہر آثار قدیمہ راج کمار پٹیل نے کہا کہ چونکہ تاج محل جمعہ کو بند رہتا ہے، اس لیے سیاحوں کو ہفتے سے منگل تک دن و رات تاج محل دیکھنے کی اجازت ہوگی۔Taj Mahal To Open In Night

اے ایس آئی آفس کے کاؤنٹر سے رات کو دیکھنے کی تاریخ سے ایک دن پہلے ٹکٹس خریدے جا سکتے ہیں۔شرد پورنیما 9/10 اکتوبر کی درمیانی شب کو منائی جائے گی۔ اس دوران چاند مختلف زاویوں سے تاج محل کے سنگ مرمر پر اپنی خاص روشنی چھوڑتا ہے، جس کے سبب سنگ مرمر پر مزید چمک پیدا ہوجاتی ہے۔

دنیا بھر سے سیاح اس وقت سنگ مرمر میں پیدا ہونے والی خاص چمک کو دیکھنے کے لئے قطار میں کھڑے ہیں۔ پچھلے سال تاج محل ہر مہینے پورے پانچ راتوں کے لیے کھلا تھا۔ اس دوران چاند کی روشنی مزید روشن ہوجاتی ہے۔ رات کے دوران تاج محل میں صرف 400 لوگوں کو داخل ہونے سہولیات میسر ہوگی۔ رات میں تاج محل کے کھلے رہنے کا وقت رات 8.30 بجے سے 12.30 بجے تک رہے گا۔