گیلونگ:گروپ اے کے میچ میں سری لنکا نے یو اے ای کو 153 رنز کا ہدف دیا جس کے جواب میں یو اے ای کی ٹیم 73 رنز پر آل آؤٹ ہوگئی۔ہندوستانی نژاد بولر کارتک میپن (19/3) نے ہیٹ ٹرک کرکے سری لنکا کے مڈل آرڈر کو اڑا دیا۔ نسانکا نے بکھرتی ہوئی سری لنکا کی اننگز کو سنبھالتے ہوئے 60 گیندوں میں چھ چوکوں اور دو چھکوں کی مدد سے 74 رنز بنا کر ٹیم کو باعزت اسکور تک پہنچایا۔ t-20 World Cup :SRI Lanka Keep Hope Alive Afetr Beating UAE By 79 Runs
سری لنکا نے متحدہ عرب امارات کو شکست دے کر سپر 12 کی امیدیں زندہ رکھیں سری لنکن باؤلرز نے 152 رنز کا دفاع کرتے ہوئے متحدہ عرب امارات کے کسی بلے باز کو وکٹ پر قدم نہیں جمانے دیا۔ متحدہ عرب امارات کی جانب سے ایان افضل خان نے 19(21)، چراغ سوری نے 14(19) جبکہ جنید صدیقی نے 18(16) اسکور کیا۔ اس کے علاوہ متحدہ عرب امارات کا کوئی بھی بلے باز ڈبل فیگرز کو نہ چھو سکا اور ٹیم 17.1 اوورز میں 73 رنز پر سمٹ گئی۔
چمیرا نے 15 رنز کے عوض تین وکٹیں لے کر سری لنکن بولنگ کی قیادت کی جبکہ ہسرنگا نے آٹھ رنز کے عوض تین وکٹیں حاصل کیں۔ مہیش ٹیکشنا نے دو جبکہ پرمود مدوشن اور داسن شناکا نے ایک ایک وکٹ حاصل کی۔
پہلے میچ میں نمیبیا سے 55 رنز کی شکست کے بعد سری لنکا کے لیے یہ کرو یا مرو کا میچ تھا۔ سری لنکا نے 79 رنز کی زبردست جیت کے ساتھ رن ریٹ میں بھی اضافہ کیا ہے جس سے سپر 12 میں پہنچنے کی امیدیں پھر سے زندہ ہوگئی ہیں۔
ٹاس ہارنے کے بعد پہلے بیٹنگ کرتے ہوئے سری لنکا نے 11 اوورز میں ایک وکٹ کے نقصان پر 91 رنز بنائے اور بڑے اسکور کی جانب گامزن تھی۔ دھننجایا ڈی سلوا (33) کے 12ویں اوور میں رن آؤٹ ہونے کے بعد میپن نے 15ویں اوور میں بھانوکا راجا پاکسے، چریت اسلانکا اور داسن شاناکا کو آؤٹ کر کے ہیٹ ٹرک مکمل کی، جس سے سری لنکا کا رن ریٹ متاثر ہوا۔
یہ بھی پڑھیں:T20 World Cup 2022میپّن نے کی ٹی 20 ورلڈ کپ 2022 کی پہلی ہیٹ ٹرک
اس کے بعد نسانکا نے اپنی نصف سنچری مکمل کرتے ہوئے سری لنکن اننگز کو تنہا آگے بڑھایا۔ نسانکا کی بدولت سری لنکا نے آخری تین اوورز میں 29 رنز جوڑے۔ ظہور خان (26/2) نے آخری اوور میں صرف تین رنز دیے کیونکہ نسانکا آؤٹ ہوگئے جب سری لنکا نے 20 اوورز میں 152/8 بنائے۔
یو اے ای ہدف کے تعاقب میں میدان میں اتری تو سری لنکن باؤلرز کا اس کے پاس کوئی جواب نہیں تھا۔ چمیرا نے اپنے پہلے دو اوورز میں محمد وسیم، آریان لکرا اور چاندنگ پول رضوان کو آؤٹ کر کے متحدہ عرب امارات کے اپر آرڈر کو تباہ کر دیا۔
اس کے بعد سری لنکن اسپنرز نے ذمہ داری سنبھالی۔ پرمود مدوشن نے اوپنر سوری کو آؤٹ کیا جبکہ کپتان شاناکا نے باسل حمید کو پویلین بھیجا۔ حسرانگا نے وریتیا اروند، آیان اور کاشف داؤد کی وکٹیں لیں۔ میپن کے تیکشنا کے آؤٹ ہونے کے بعد بیٹنگ کرنے آئے جنید نے وکٹ پر اپنے وقت کا لطف اٹھایا۔ متحدہ عرب امارات کے نمبر 10 بلے باز نے 16 گیندوں میں ایک چوکے اور 109 میٹر چھکے کی مدد سے 18 رنز بنائے۔ t-20 World Cup :SRI Lanka Keep Hope Alive Afetr Beating UAE By 79 Runs
