راجستھان میں احتجاجی مظاہرے کیے جا رہے ہیں اور کانگریس کے اعلیٰ رہنما مطالبہ کر رہے ہیں کہ اے پی عبداللہ کی جانب سے جو بیان دیا گیا ہے اس کو لے کر اے پی عبداللہ معافی مانگیں۔
آج بھی راجستھان کے دارالحکومت جے پور کے کئی علاقوں میں کانگریسی رہنماؤں کی جانب سے احتجاجی مظاہرہ کیا گیا۔ آج اے پی عبداللہ کا پتلا جلایا گیا اور ان کے خلاف نعرے بازی کی گئی۔
مطاہرین اس بات پر اصرار کررہے تھے کہ اے پی عبداللہ اپنا بیان واپس لیں اور سچن پائیلٹ سے معافی طلب کریں۔
اس دوران کانگریس کے مقامی رہنماؤں سمیت کئی کانگریس کارکنان موجود رہے۔گذشتہ اتوار کے روز بی جے پی کے اے پی عبداللہ دارالحکومت جے پور کے دورے پر تھے۔
مزید پڑھیں:
جے پور: کانگریس کا بی جے پی کے خلاف احتجاج
اس دوران انہوں نے میڈیا سے بات چیت کے دوران کہا کہ بہت جلد کانگریس کے سینیئر رہنما سچن پائلٹ بی جے پی جوائن کریں گے۔ اس بیان پر کانگرین کارکنوں نے احتجاج شروع کیا۔
سچن پائیلٹ پہلے ہی اشوک گہلوت کی قیادت میں راجستھان کی حکومت کے ساتھ تشیدہ تعلقات کی بنیاد پر سرخیوں میں رہے ہیں۔ اس اختلاف کے دوران یہ قیاس آرائیاں کی جارہی تھیں کہ وہ پارٹی سے کنارہ کشی اکتیار کرسکتے ہیں تاہم کانگریس ہائی کمان نے انہیں دلی طلب کیا تھا اور گہلوت کیمپ کے ساتھ انکی صلح جوئی کرائی تھی۔
