کولگام: جنوبی کشمیر کے کولگام میں عسکریت پسندوں کی موجودگی کی اطلاع موصول ہونے کے بعد سکیورٹی فورسز نے علاقے کو محاصرے میں لے کر سرچ آپریشن شروع کیا ہے۔ اسی دوران انکاؤنٹر شروع ہوگیا۔ انکاؤنٹر میں ایک عسکریت پسند ہلاک ہو گیا ہے۔ ۔ ہلاک شدہ عسکریت پسند کی شناخت ابو ہرہرہ کے طور پر ہوئی ہے۔ ہلاک عسکریت پسند کا تعلق ممنوعہ تنظیم لشکر طیبہ سے بتایا جا رہا ہے۔ وہیں موقع پر سے اسلحہ، گولہ بارود سمیت اے کے رائفل برآمد کیا گیا ہے۔ کشمیر اے ڈی جی پی نے اس کی تصدیق کی ہے۔ Kulgam Encounter
دو شہریوں سمیت ایک جوان کے زخمی ہونے کی اطلاع ہے۔ وہیں انکاؤنٹر کے مقام پر پھنسے 35 اسکولی بچوں کو سکیورٹی فورسز نے بحفاظت نکال لیا۔ دراصل سکیورٹی فورسز کو خفیہ اطلاع ملی کہ کولگام کے بٹہ پورہ علاقے میں کچھ عسکریت پسند چھپے ہوئے ہیں، جس کے بعد علاقے کا محاصرہ شروع کیا گیا اور تمام داخلی اور خارجی راستوں کو کھار دار تاروں سے بند کردیا گیا۔
تلاشی آپریشن کے دوران علاقہ میں سکیورٹی فورسز اور عسکریت پسندوں کے درمیان انکاؤنٹر شروع ہوگیا۔ اس دوران دو شہریوں سمیت ایک جوان کے زخمی ہونے کی اطلاع ہے۔وہیں موقع پر پھنسے 35 اسکولی بچوں کو بحفاضت نکال کر اپنے اپنے گھر روانہ کر دیا گیا ہے۔ مقامی ذرائع سے یہ بھی خبر آئی ہے کہ تلاشی آپریشن کے دوران عسکریت پسندوں سے آمنا سامنا ہونے پر دونوں طرف سے گولیوں کا تبادلہ شروع ہو گیا۔
