کیرل میں واقع کوٹایم کے پونجر سے تعلق رکھنے والی لکشمی وی نائر کو گلوبل پروگرام کا حصہ لینے کا موقع ملا جس پر وہ کافی خوش ہیں۔
مذکورہ لڑکی کو نیشنل ایروناٹکس اینڈ اسپیس ایڈمنسٹریشن (ناسا) کے اشتراک سے منعقد ہونے والے بین الاقوامی تعلیمی پروگرام میں حصہ لینے کا موقع ملا ہے۔
112 ممالک سے منتخب ہونے والے 12 طلباء میں سے لکشمی ہی ایشیاء پیسیفک کے خطے سے واحد تھیں۔ لکشمی پونجر میں واقع ایک اسکول میں نویں جماعت میں زیر تعلیم ہیں۔ پونجر ایس ایم وی اسکول کی استاد پیاریلل نے لکشمی کو گلوب پروگرام کے لئے درخواست دینے کی تجویز دی تھی۔ اس پروگرام کے لئے لکشمی کو ویلکم کٹ ایک گلوب ٹی شرٹ، میڈل اور مائیک ویڈیو شوٹ کے لیے موصول ہوا۔
ناسا گلوب پروگرام سائنس اور ماحولیات کے مطالعہ کو فروغ دینے کے لئے ڈیزائن کیا گیا ہے۔ اس سے طلبہ کی جستجو کی نوعیت میں اضافہ ہوتا ہے۔ تمام ارکان کو گلوب ٹیم کے ذریعہ تجویز کردہ قدرتی امور پر ایک ویڈیو تیار کرنا ہے۔
سوشل میڈیا پر لکشمی کی بہت ساری تعریفیں ہو رہی ہیں۔ پنچایت انتظامیہ نے کووڈ لاک ڈاؤن کے بعد ایک بڑا استقبالیہ لکشمی کے اعزاز میں منعقد کرنے کا ارادہ کیا ہے۔ لکشمی کا کہنا ہے کہ ان کے والد وجیا کمار، ایک نجی آیوروید انسٹی ٹیوٹ کے ملازم اور ان کی والدہ سریجا، چھوٹی بہن نندنا نے ان کا تعاون کیا ہے۔ محدود وسائل کے باوجود لکشمی عظیم کارنامے پر پرجوش اور خوش ہے۔
