لکھنؤ میں جنوبی افریقہ اور بھارتی خواتین ٹیموں کے درمیان تین ٹی۔2 میچز کی سیریز کھیلی جارہی ہے۔ جہاں کھیلے گئے دوسرے میچ میں بھارت کو ناکامی کا منہ دیکھنا پڑا۔
اتوار کو یہاں بھارت رتن شری اٹل وہاڑی واجپئی ایکانہ کرکٹ اسٹیڈیم میں کھیلے گئے دوسرے ٹی 20 میچ میں جنوبی افریقہ کی خواتین کرکٹ ٹیم نے بھارتی خواتین کی ٹیم کو 6 وکٹوں سے شکست دے دی۔ اس فتح کے ساتھ مہمان ٹیم نے تین میچوں کی ٹی ٹونٹی سیریز میں 0۔2 سے ناقابل شکست برتری حاصل کرلی ہے۔,
پہلا میچ جنوبی افریقہ نے آٹھ وکٹوں سے جیتا تھا۔ ٹاس ہارنے اور پہلے بیٹنگ کرنے کے بعد بھارتی خواتین کی ٹیم نے مقررہ 20 اوورز میں چار وکٹوں پر 158 رنز بنائے جب کہ جنوبی افریقہ کی ٹیم نے مقررہ 20 اوورز میں چار وکٹوں کے نقصان پر ہدف حاصل کرکے جیت حاصل کی۔
افریقہ کے لیے لیجیلی نے 45 بالس پر 11 چوکے اور ایک چھکہ کی مدد سے 70 رنز بنائے۔ ان کے علاوہ لورا والوارٹ نے 39 گیندوں پر سات چوکوں کی مدد سے ناقابل شکست 53 رن بنائے۔ علاوہ ازیں ڈی پریز نے 10 رنز بنائے۔ بھارت کی جانب سے راجیشوری گائیکواڈ، ہارلن دیول اور رادھا یادو نے ایک ایک وکٹ حاصل کی۔
