اداکار سومتر چٹرجی کو گذشتہ چھ اکتوبر کو کولکاتا کے نجی اسپتال بیلے ویو کلینک میں داخل کیا گیا تھا جہاں آج وہ طویل علالت کے بعد انتقال کر گئے، قبل ازیں آج صبح ان کا علاج کررہے ڈاکٹر نے ان کی حالت نازک بتائی تھی۔
کولکاتا کے بیلے ویو کلینک میں اداکار کا علاج کرنے والی ٹیم کے انچارج ڈاکٹر ارندم کر نے کہا '40 دن کی لڑائی کافی نہیں رہی، ڈاکٹر کا کہنا ہے کہ اب بس کرشمے کی ضرورت ہے، سومتر چٹرجی کی عمر 85 برس ہے اور انہیں لائف سپورٹ سسٹم دینا پڑا تھا،
ان کی حالت جو کئی دنوں سے نازک لیکن مستحکم بتائی گئی تھی، اس ہفتے کے شروع میں ٹریکیوسٹومی اور پلازما فیرس ہونے کے بعد تیزی سے بگڑ گئی، سومتر چٹرجی کو کورونا وائرس کے مثبت پائے جانے کے صرف ایک دن بعد 6 اکتوبر کو اسپتال میں داخل کرایا گیا تھا۔
اداکار کا ایک ہفتے کے بعد 14 اکتوبر کو کورونا رپورٹ منفی آئی، لیکن انہیں صحت کی پیچیدگیوں خاص طور پر کورونا سے متاثر انسیفیلوپیٹی کی وجہ سے ہسپتال میں ہی رکھا گیا۔
چٹرجی کے منفی تجربہ کیے جانے کے کچھ ہی دن میں ڈاکٹروں نے بتایا کہ وہ صحتیاب ہوگئے ہیں اور کچھ دن میں چل پائیں گے، تاہم 25 اکتوبر کو ڈاکٹر ارندم جو چٹرجی کا علاج کرنے والی میڈیکل ٹیم کی قیادت کر رہے ہیں نے کہا تھا کہ 'آپ سب کو معلوم ہے کہ وہ ٹھیک نہیں ہیں، ہماری تمام تر کوششوں کے باوجود ان کا شعور بیدار نہیں ہو پا رہا ہے، بلکہ نیچے ہی چلا گیا ہے۔'
اکتوبر کے آخری ہفتے سے چٹرجی کا متبادل دنوں میں ڈائلیسس ہو رہا تھا، جو اپنے کچھ پیرامیٹرز کو مستحکم کرنے میں کامیاب ہوگئی'۔
