سونیا گاندھی نے جوبائیڈن اور کملا ہیرس کو دی مبارکباد

کانگریس کی عبوری صدر سونیا گاندھی نے نومنتخب امریکی صدر جوبائیڈن اور ہند نژاد نائب امریکی صدر کملا ہیرس کو مبارکباد پیش کی ہے۔

کانگریس صدر سونیا گاندھی نے نائب امریکی صدر کملا ہیرس کی تعریف کرتے ہوئے کہا کہ' سیاہ فام امریکیوں اور بھارتی نژاد امریکیوں کی یہ فتح ہے'۔

واضح رہے کہ ڈیموکریٹک امیدوار جوزف بائیڈن نے امریکی صدارتی انتخابات 2020 میں ری پبلیکن کے صدارتی امیدوار ڈونلڈ ٹرمپ پر ناقابل شکست برتری حاصل کر کے عملاً امریکہ کے 46 ویں صدر منتخب ہوگئے۔

کملا ہیرس نے نو منتخب امریکی نائب صدر کی حیثیت سے ایک نئی تاریخ رقم کی ہے۔ وہ پہلی خاتون اور بھارتی نژاد امریکی نائب صدر بن گئی ہیں۔