سری نگر: جموں و کشمیر پولیس کی اسٹیٹ انویسٹیگیشن یونٹ (SIU) پلوامہ کے کئی علاقوں میں چھاپے مار رہی ہے۔ اس دوران علاقے میں سیکورٹی کے انتظامات بڑھا دیے گئے ہیں۔ تفصیلات کے مطابق یہ چھاپہ ماری کی کارروائی ضلع کے محتلف مقامات پر ہونے والے آئی ای ڈیز کے سلسلے میں انجام دی گئی ہیں۔ آئی ای ڈیز کے سلسلے میں اگرچہ کئی نوجوان زیر حراست ہیں جبکہ اج اس ضمن میں ان نوجوانوں کے گھروں پر ایس آئی یو کی جانب سے چھاپہ ماری کی کارروائی انجام دی گئی. اس سے قبل اس سلسلے میں این آئی اے نے بھی چھاپہ ماری کی کارروائی انجام دی تھی۔
مزید پڑھیں:۔ NIA Conducted Raids این آئی اے نے ملک کی متعدد ریاستوں میں چھاپے ماری کی
وہیں این آئی اے ڈیز کیسز میں مزید تحقیقات کے لئے اج ایس آئی یو نے چاپہ ماری کی کارروائی انجام دی، اس دوران زیر حراست نوجوانوں کے اہل خانہ سے پوچھا تاچھ کی گئی۔اس ضمن میں ایک پولیس افسر نے بتایا کہ فوج نے کچھ ماہ قبل ضلع کے آرملہ علاقے میں ایک 30 کلو گرام آئی ای ڈی کی برآمدگی کی تھی جس کے سلسلے میں اج یہ چھاپہ ماری کی گئی اور اس سلسلے میں مزید تحقیقات شروع کردی گئی ہیں۔ آئی ای ڈی کی برآمدگی کے سلسلے میں پلوامہ کے جندوال، ارمولہ، نیلورا اور بنڈزو، کاکاپورہ گاؤں میں چھاپے مارے گئے۔ ایک افسر نے کہا کہ مذکورہ کیس کے سلسلے میں پہلے ہی چند لوگوں کو گرفتار کیا جا چکا ہے۔یہ بات قابل ذکر ہے کہ پچھلے چند ماہ کے دوران کئی آئی ای ڈیز کو برآمد کرکے فوج اور پولیس نے ناکارہ بنایا تھا۔
