سنگھو بارڈر سے پولیس نے مندیپ پنیا نامی ایک فری لانس صحافی کو گرفتار کیا۔ مندیپ پنیا پر الزام ہے کہ انہوں دہلی پولیس کے ایس ایچ او کے ساتھ بدسلوکی کی اور پولیس کے کاموں میں رکاوٹ ڈالنے کی کوشش کی پولیس فی الحال اس معاملے کی تحقیقات کر رہی ہے۔
سنگھو بارڈر پر پولیس نے آزاد صحافی کو حراست میں لیا
سنگھو بارڈر پر رپورٹنگ کرنے والے فری لانس صحافی مندیپ پنیا کو پولیس نے گرفتار کیا ہے۔ مندیپ پونیا ایک نیوز ایجنسی میں فری لانس صحافی کے طور پر کام کرتے رہے ہیں، مندیپ سنگھ بارڈر پر نیوز کوور کرنے گئے تھے جہاں گزشتہ کئی دنوں سے صورتحال تشویشناک بنی ہوئی ہے۔
ذرائع کے مطابق یہ خبر سامنے آرہی ہے کہ دہلی پولیس کے ایس ایچ او کا بیان قلمبند کرنے کے بعد پولیس نے اس معاملے میں مقدمہ درج کرنے کی بھی اطلاع دی ہے۔
