کمیشن کی جانب سے جاری آج حتمی نتائج کے مطابق سرفہرست 25 امیدواروں میں 13 مرد اور 12 خواتین ہیں۔ اس میں545 مردوں اور 216 خواتین سمیت کل 761 امیدواروں نے امتحان پاس کیا ہے اورمجموعی طور پر 761 امیدواروں کی تقرری کے لیے سفارش کی گئی ہے۔
منتخب امیدواروں میں 263 جنرل کٹیگری، 86 اقتصادی طور پر پچھڑے(ای ڈبلیو ایس)، 229 دیگر پسماندہ طبقات (او بی سی) 112 ایس سی اور 61 ایس ٹی سے ہیں۔
یو پی ایس سی نے جنوری میں سول سروسز امتحان 2020 کے تحریری حصے کے امتحان کا انعقاد کیا تھا اور اگست-ستمبر میں پرسنالٹی ٹیسٹ کے لیے انٹرویو لیے تھے۔ ان نتائج کی بنیاد پر انڈین سول سروسز، انڈین فارن سروسز، انڈین پولیس سروسز اور سینٹرل سروسز، گروپ ’کا‘ گروپ’کھا‘میں تقرری کے لیے جمعہ کے روز حتمی نتیجے کا اعلان کر دیا ہے۔
سول سروسز امتحان 2020 کے نتائج دہلی ہائی کورٹ میں زیر التواء رٹ عرضی (سی) نمبر 5153/2020 اور 7351/2020 کے نتیجے کے تحت ہوں گے۔
یو پی ایس سی کے احاطے میں امتحان ہال کے قریب ایک ’سہولت کاؤنٹر‘ واقع ہے۔
مزید پڑھیں:
جامعہ کے 20 طلبا نے سول سروسز امتحان میں کامیابی حاصل کی
امیدوار اپنا امتحان/تقرری سے متعلق کسی بھی طرح کی معلومات/وضاحت، ذاتی طور پر یا ٹیلی فون نمبر 23385271/23381125/23098543 پر کام کے دنوں میں علیٰ الصباح 10:00 سے شام 5:00 بجے کے درمیان حاصل کر سکتے ہیں۔ نتیجہ یو پی ایس سی کی ویب سائٹ یعنی ایچ ٹی ٹی پی/ ڈبلیو ڈبلیو ڈبلیو ڈاٹ یو پی ایس سی ڈاٹ جی او وی ڈاٹ آئی این پر بھی مہیا ہوگا۔ نتائج کے اعلان ہونے کی تاریخ سے 15 دن کے اندر نمبر ویب سائٹ پر مہیا ہوں گے۔
یو این آئی
