مہاراشٹر کے اورنگ آباد میں واقع کرانتی چوک علاقے میں شیوسینا کے کارکنان نے بڑی تعداد میں مہنگائی کے خلاف احتجاج کیا۔ احتجاج میں شامل شیوسینا کارکنان نے ہاتھوں میں بینرز، پوسٹر اور گیس سلنڈر لے کر مرکزی حکومت کے خلاف ناراضگی کا اظہار کیا اور حکومت کی پالیسیوں پر شدید نکتہ چینی کی۔
مظاہرین کا کہنا ہے کہ مرکزی حکومت نے گیس کی قیمتوں میں اضافہ کر دیا ہے۔ اب گھریلو گیس کی قیمت 1050 روپے تک مہنگی ہو گئی ہے۔ بی جے پی حکومت نے 2014 انتخابات کے وقت بڑے بڑے وعدے کیے تھے لیکن آج تک ایک بھی وعدہ پورا نہیں ہوا ہے اور ملک میں مہنگائی دن بدن بڑھتی جارہی ہے۔
یہ بھی پڑھیں:
Increase in Prices of Daily Necessary Goods: روزمرہ کے استعمال کی اشیاء کی قیمتوں میں مزید اضافے کا امکان
ساتھ ہی شیو سینا کے رکن اسمبلی امباداس دانوے کا کہنا ہے کہ اگر مہنگائی کم کرنا ریاستی حکومت کے ہاتھ میں رہتا تو وہ کم کر دیتی لیکن مہنگائی کم کرنا مرکزی حکومت کے ہاتھ میں ہے، اسی لیے مرکزی حکومت کے خلاف احتجاج کیا جا رہا ہے۔
